உரையாடல் பயிற்சி: (4-5 நிமிடங்கள்)
ஆசிரியர் உரையாடல் தலைப்பைக் கொடுக்கலாம். அல்லது மாணவர் உரையாடல் தலைப்பைத் தேர்ந்தெடுக்கலாம்.
மாணவர்கள் தலைப்பிற்கேற்ப பெற்றோர், உறவினர் அல்லது நண்பர்களுடன் பேச்சுத் தமிழில் கலந்துரையாடி, அதை ஒலிப்பதிவு செய்து ஆசிரியருக்கு அனுப்பவும்.
மாணவர்கள் தனியாகவும் பேசலாம்.
உரையாடல் பதிவேட்டில் பெற்றோர் கையொப்பம் இடவேண்டும்.
ஒருமுறை பயன்படுத்திய தலைப்பை மீண்டும் பயன்படுத்துவதைத் தவிர்க்கவும்.
எழுத்துத் தமிழில் பேசுவதைக் கூடியவரை தவிர்க்கவும். ஓரிரு சொற்கள் ஆங்கிலத்தில் பேசுவது தவறில்லை.
குறிப்பு: உரையாடல் தலைப்பு உதாரணங்கள் பாடத்திட்டத்தின் இறுதியில் கொடுக்கப்பட்டுள்ளன. ஆசிரியர்கள் அதனை தேவைக்கேற்பப் பயன்படுத்தலாம்.
வாசித்தல் பயிற்சி
பாடநூல் 7 - பகுதி 1: 1.7 - பக்கம் 13-15 - கேட்டல் கருத்தறிதல்
கதையைப் படித்து தலைப்பை வாசிப்புப் பயிற்சி பதிவேட்டில் எழுதவும்.
மேலும் தமிழ் நாளிதழ் அல்லது செய்தித்தாளில் உள்ள ஏதேனும் ஒரு கட்டுரையைப் படிக்கவும்.
பெற்றோர் வாசித்தல் அட்டவணையில் கையொப்பம் இட வேண்டும்.
மாணவர்கள் படித்த பத்தியிலிருந்து ஏதேனும் ஐந்து வாக்கியங்களை ஆங்கிலத்தில் மொழி பெயர்த்து எழுதவும்.
(தெரிந்து கொள்வோம்)
ஐயம் - doubt
முன்வை - to present
சதவிகிதம் - percentage
கட்டணச் சலுகை - payment concession
முன்பதிவு அட்டை - reservation card
வேற்றுமை உருபுப் பயிற்சி
பாடத்தில் உள்ள ஏதேனும் ஒரு பெயர்ச்சொல்லுடன் வேற்றுமை உருபு அட்டவணையை எழுதவும்.
மற்றும் ஏதாவது 2 வேற்றுமை உருபுகளை ஒரு வாக்கியத்தில் அமைக்கவும்.
(சென்ற வாரம் மாணவர்கள் வாக்கியம் அமைக்கப் பயன்படுத்திய வேற்றுமை உருபுகளை இந்தவாரம் பயன்படுத்தக் கூடாது)
பாட நூல் 7 - பகுதி 1: 1.5.1. - பக்கம் 11 - கீழ்க்காணும் வினாக்களுக்கு விடை எழுதுக
கவனமாகப் படித்து சரியான விடையைக் கண்டுபிடித்து எழுதவும்.
தேர்வு #1: திட்டப்பணி 1 (Project, Due Week 4)
தலைப்பையும், விதிமுறைகளையும் விளக்கவும்.
திட்டப்பணி 1: தலைப்பு
உனக்கு கால இயந்திரம் கிடைத்தால் நீ எந்த காலத்திற்குச் செல்வாய்? ஏன்?
திட்டப்பணியை அட்டையில் குறைந்தது 15 வாக்கியங்கள், 3 படங்கள், உரிய தலைப்பு மற்றும் குறைந்தது 3 உபதலைப்புகள் (sub-headings) கொண்டு எழுதவும். அதை வகுப்பில் வாய்மொழியாக விளக்க வேண்டும்.
திட்டப்பணியின் மதிப்பெண்கள் கீழே உள்ளவற்றின் அடிப்படையில் வழங்கப்படும்.
சரியான தகவல்கள், உரிய தலைப்பு, உபதலைப்பு - 6 மதிப்பெண்கள்.
பிழையின்மை, நேர்த்தியான கையெழுத்து - 5 மதிப்பெண்கள்.
புகைப்படங்கள், வரைபடங்கள் - 4 மதிப்பெண்கள்.
வகுப்பில் வாய்மொழி விளக்கம் (தடங்கல் இல்லாத பேச்சுச் சரளம்), சரியான ஒழுங்கான உச்சரிப்பு - 15 மதிப்பெண்கள்.
மாணவர்கள் வகுப்பிற்கு வந்து ஒரு வாரத்திற்கு மேல் கால தாமதமாக சமர்ப்பிக்கும் திட்டப்பணிக்கு 75% மதிப்பெண்கள் மட்டுமே மதிப்பீடு செய்யப்படும்.
இரண்டு வாரத்திற்கு மேல் கால தாமதமாக சமர்ப்பிக்கும் திட்டப்பணிக்கு மதிப்பெண்கள் வழங்கப்படமாட்டாது.
மாணவர் திட்டப்பணியில் இருந்து படித்தால் மதிப்பெண் குறைக்கப்படும். திட்டப்பணியை புரிந்துகொள்ளவும், பார்க்காமல் வழங்கவும் ஊக்குவிக்கவும்.
மாணவர்கள் திட்டப்பணியை தட்டச்சு செய்யக்கூடாது. தட்டச்சு செய்தால் மதிப்பெண் குறைக்கப்படும். திட்டப்பணியை எழுதி இருக்க வேண்டும்.
திட்டப்பணியை ஒரு பெரிய அட்டையில் (chart board) பெயர், வகுப்பு, பிரிவு, ஆசிரியர் பெயர் ஆகிய விபரங்களுடன் சமர்ப்பிக்கவும்.