Week 18

வாரம் 18: வீட்டுப்பாடம்

உரையாடல் பயிற்சி: (4-5 நிமிடங்கள்)

• ஆசிரியர் உரையாடல் தலைப்பைக் கொடுக்கலாம். அல்லது மாணவர் உரையாடல் தலைப்பைத் தேர்ந்தெடுக்கலாம்.

• மாணவர்கள் தலைப்பிற்கேற்ப பெற்றோர், உறவினர் அல்லது நண்பர்களுடன் பேசித் தமிழில் கலந்துரையாடி, அதை ஒலிப்பதிவு செய்து ஆசிரியருக்கு அனுப்பவும்.

• மாணவர்கள் தனியாகவும் பேசலாம்.

• உரையாடல் பதிவேட்டில் பெற்றோர் கையொப்பம் இடவேண்டும்.

• ஒருமுறை பயன்படுத்திய தலைப்பை மீண்டும் பயன்படுத்துவதைத் தவிர்க்கவும்.

• எழுத்துத் தமிழில் பேசுவதைக் கூடியவரை தவிர்க்கவும். ஓரிரு சொற்கள் ஆங்கிலத்தில் பேசுவது தவறில்லை.

குறிப்பு: உரையாடல் தலைப்பு உதாரணங்கள் பாடத்திட்டத்தின் இறுதியில் கொடுக்கப்பட்டுள்ளன. ஆசிரியர்கள் அதனைத் தேவைக்கேற்பப் பயன்படுத்தலாம்.

வாசித்தல் பயிற்சி

• பாடநூல் 7 - பகுதி 2: 4.5 - பக்கம் 9-10 - கருத்தூன்றிப் படிப்போம் கதையை கவனமாகப் படிக்கவும்.

• பாடத்தில் வரும் உனக்குப் பிடித்த 5 சொற்களுக்கு ஆங்கிலத்தில் பொருள் எழுதி தமிழில் வாக்கியம் அமை.

• மேலும் தமிழ் நாளிதழ் அல்லது செய்தித்தாளில் உள்ள ஏதேனும் ஒரு கட்டுரையைப் படிக்கவும்.

• பெற்றோர் வாசித்தல் அட்டவணையில் கையொப்பம் இட வேண்டும்.

• மாணவர்கள் படித்த பகுதியிலிருந்து ஏதேனும் ஐந்து வாக்கியங்களை ஆங்கிலத்தில் மொழி பெயர்த்து எழுதவும்.

• இந்தப் பகுதியில் உள்ள பன்மைச் சொற்களை அடிக்கோடிடு.

வாக்கியம் அமை

• வாக்கியங்களில் குறைந்தது 4-5 சொற்கள் தேவை.

• வாக்கியம் ‘யார், ஏன், எதை, எப்படி, எங்கே, எப்போது’ ஆகிய கேள்விகளில் குறைந்தது மூன்று கேள்விகளுக்குப் பதில் கூறும் வகையில் அமைய வேண்டும்.

  1. தொழில்நுட்பம் - technology

  2. மின்னூலகம் - e-library

  3. இணையம் - internet

  4. பன்னாட்டு - international

  5. ஆவணங்கள் - documents

வேற்றுமை உருபு பயிற்சி

1. பாடத்தில் உள்ள ஏதேனும் ஒரு பெயர்ச்சொல்லுடன் வேற்றுமை உருபு அட்டவணையை எழுதவும்.

2. மற்றும் ஏதேனும் 2 வேற்றுமை உருபுகளை ஒரு வாக்கியத்தில் அமைக்கவும். (சென்ற வாரம் மாணவர்கள் வாக்கியம் அமைக்கப் பயன்படுத்திய வேற்றுமை உருபுகளை இந்தவாரம் பயன்படுத்தக் கூடாது)

பாட நூல் 7 - பகுதி 2: 4.5.1. - பக்கம் 10 - கீழ்க்காணும் வினாக்களுக்கு விடை எழுத சரியான விடையைக் கண்டுபிடித்து எழுதவும்.