Week 22

வாரம் 22: வீட்டுப்பாடம்

உரையாடல் பயிற்சி: (4-5 நிமிடங்கள்)

• ஆசிரியர் உரையாடல் தலைப்பைக் கொடுக்கலாம். அல்லது மாணவர் உரையாடல் தலைப்பைத் தேர்ந்தெடுக்கலாம்.

• மாணவர்கள் தலைப்பிற்கேற்ப பெற்றோர், உறவினர் அல்லது நண்பர்களுடன் பேசித் தமிழில் கலந்துரையாடி, அதை ஒலிப்பதிவு செய்து ஆசிரியருக்கு அனுப்பவும்.

• மாணவர்கள் தனியாகவும் பேசலாம்.

• உரையாடல் பதிவேட்டில் பெற்றோர் கையொப்பம் இட வேண்டும்.

• ஒருமுறை பயன்படுத்திய தலைப்பை மீண்டும் பயன்படுத்துவதைத் தவிர்க்கவும்.

• எழுத்துத் தமிழில் பேசுவதைக் கூடியவரை தவிர்க்கவும். ஓரிரு சொற்கள் ஆங்கிலத்தில் பேசுவது தவறில்லை.

குறிப்பு: உரையாடல் தலைப்பு உதாரணங்கள் பாடத்திட்டத்தின் இறுதியில் கொடுக்கப்பட்டுள்ளன. ஆசிரியர்கள் அதனை தேவைக்கேற்பப் பயன்படுத்தலாம்.

பாடநூல் 7 - பகுதி 2: 4.13 - பக்கம் 22 திருக்குறள் #4 பொருளுடன் படிக்கவும்.

வாசித்தல் பயிற்சி

• பாடநூல் 7 - பகுதி 2: 5.5 - பக்கம் 33-34 - கருத்தூன்றிப் படிப்போம் கதையைப் படித்து தலைப்பை வாசிப்புப் பயிற்சி பதிவேட்டில் எழுதவும்.

• பெற்றோர் வாசித்தல் அட்டவணையில் கையொப்பம் இட வேண்டும்.

• மாணவர்கள் படித்த பத்தியிலிருந்து ஏதேனும் ஐந்து வாக்கியங்களை ஆங்கிலத்தில் மொழி பெயர்த்து எழுதவும்.

• இந்தப் பாடத்திலிருந்து மாணவர்கள் தங்களுக்குப் பிடித்த மூன்று கேள்விகளை எழுதவும். அதற்குரிய விடையை ஒரு சிறிய வாக்கியத்தில் எழுதவும்.

வாக்கியம் அமை

• வாக்கியங்களில் குறைந்தது 4-5 சொற்கள் தேவை.

• வாக்கியம் ‘யார், ஏன், எதை, எப்படி, எங்கே, எப்போது’ ஆகிய கேள்விகளில் குறைந்தது மூன்று கேள்விகளுக்குப் பதில் கூறும் வகையில் அமைய வேண்டும்.

1. பெற்றோர் - parents

2. சுறுசுறுப்பு - active

3. சோர்வு - fatigue

4. விருப்பம் - desire

5. ஈடுபாடு - involvement

வேற்றுமை உருபு பயிற்சி

1. பாடத்தில் உள்ள ஏதேனும் ஒரு பெயர்ச்சொல்லுடன் வேற்றுமை உருபு அட்டவணையை எழுதவும்.

2. மற்றும் ஏதாவது 2 வேற்றுமை உருபுகளை ஒரு வாக்கியத்தில் அமைக்கவும். (சென்ற வாரம் மாணவர்கள் வாக்கியம் அமைக்கப் பயன்படுத்திய வேற்றுமை உருபுகளை இந்தவாரம் பயன்படுத்தக் கூடாது).

பாட நூல் 7 - பகுதி 2: 5.5.1. - பக்கம் 34, 35 - கீழ்க்காணும் வினாக்களுக்கு விடை எழுத கவனமாகப் படித்து சரியான விடையைக் கண்டுபிடித்து எழுதவும்.